Англија | Менаџерот на Челзи, Жозе Мурињо има само пофалби за Фернандо Торес кој одигра одлично против Тотенхем но заработи и црвен картон...

Иако не постигна гол против Тотенхем, Фернандо Торес одигра многу добар натпревар, но се чини престрого заработи црвен картон.
 
Сеуште нема погодоци од Шпанецот, но Мурињо е задоволен од изданијата на Ел Нињо.
 
„Фернандо е многу силен. Физички, мислам дека е во многу добар момент" - вели Мурињо.
 
„Ги гледав натпреварите на Фернандо за Челзи од минатите сезони и ми изгледаше малку тежок, малку бавен. Сега е во фантастична форма".
 
„Одигра многу добар натпревар. Знаеш што мислам за него, не треба да му кажам. Знае дека сум многу задоволен од неговите перформанси".
 
Лампард му дава поддршка на Фернандо и на останатите напаѓачи кои сеуште не го нашле патот до мрежата на противниците.
 
„Головите од напаѓачите ќе дојдат. Можеби заедно ќе постигнат 20 гола на следните десет натпревари" - вели Лампард.
 
„Начинот на кој одигра Фернандо беше фантастичен, ќе постигнува голови и ќе асистира за другите".

Извор: 24FUDBAL.com.mk