Шпанија | Барселона соопшти дека Лео Меси ќе паузира околу 20 дена поради повреда на задната ложа на десната нога...

Аргентинецот во саботата беше стартер на дуелот со Алмерија, го отвори резултатот во 20. минута, но потоа се пожали на болки во мускулот и мораше да биде заменет со Чави.
 
Вчера врз Лео Меси биле извршени детални тестови, кои ги потврдиле првичните прогнози на лекарскиот тим на Барса.
 
Напаѓачот има мала исекотина на задната ложа на десната нога и ќе паузира помеѓу 2 и 3 недели.
 
Меси дефинитивно ќе го пропушти дуелот против Селтик во Лигата на Шампионите, и средбата со Ваљадолид во Примера.
 
Тој исто така нема да биде во комбинација ниту за квалификациските натпревари на ’Гаучосите’ против Перу и Уругвај.
 
Лео би можел да го прескокне и дуелот со Осасуна на 19. октомври, но би требало да биде фит за гостувањето на Сан Сиро на 22. март како и првото Ел Класико, кое е на програмата на 27. октомври.

Извор: 24FUDBAL.com.mk