Англија | Арсен Венгер верува дека Арсенал е еден од кандидатите за титулата во Премиер лигата и очекува неколку тимови да бидат инволвирани во трката...

По поразот од Астон Вила во воведниот натпревар од сезоната, ’Топџиите’ забележаа пет победи во низа и во моментов се на првото место на табелата.
 
Манчестер Јунајтед, Манчестер Сити и Челзи сеуште се мачат со формата по промената на менаџерите пред стартот на сезоната, додека пак Ливерпул, Тотенхем и Евертон имаат позитивен почеток.
 
Арсен Венгер вели дека трката за врвот ќе биде мошне интересна, и верува дека Арсенал е еден од кандидатите за титулата.
 
„Имаме желба да бидеме шампиони, тоа може да се види” – рече Французинот.
 
„Сеуште е само почеток на сезоната, одигравме шест натпревари, но со задоволство ќе прифатев да освоиме 15 бода од следните пет натпревари по поразот на стартот”.
 
„Ајде само да продолжиме во исто темпо. Имаме шанса, но трката ќе биде ширум отворена”.
 
„Можеме да ги додадеме Ливерпул, Тотенхем и Евертон на тимовите од топ четворката, па ќе биде многу интересно”.
 
„Она што се промени во споредба со минатите години е тоа што не можете да ги победите противниците доколку играте на 80% од вашите можности”.
 
„Морате да бидете помеѓу 95 и 100%, и тоа ветува многу интересна сезона”.

Извор: 24FUDBAL.com.mk