Италија | Според пишувањата на медиумите од Италија, Мино Раиола сака да го врати Марио Балотели во Премиер лигата...

’Супер Марио’ одново е во центарот на вниманието откако по крајот на средбата со Наполи претера со протестите кон судијата и доби три натпревари суспензија.
 
’Росоњерите’ изразија незадоволство од ваквото однесување на напаѓачот и му порачаа дека мора да се промени.
 
Марио Балотели вчера се извини и изрази жалење за постапките, но порача дека луѓето претеруваат со нападите кон него.
 
„Најпрво сакам да им се извинам на соиграчите” – рече Балотели.
 
„Тие тренираат и работат напорно со мене, па со мојот гест ги изневерив. Исто така сакам да им се извинам и на фановите, кој се грижат многу, и секако, му се извинвам на клубот”.
 
„Му се извинувам и на судијата за зборовите што ги употребив, не требаше да реагирам така”.
 
„Но против Наполи се виде старата приказна, прекршоците врз мене не се бројат но судијата свири веднаш штом јас направам нешто”.
 
„Само сакам другите да бидат казнувани за прекршоците исто како што ме казнуваат мене кога ќе направам фаул”.
 
„Направив грешка кога бев испровоциран. Марио погреши и Марио се извини, но немам намера да им се извинувам на сите бидејќи не сум убил никого”.
 
Денешните изданија на Corriere dello Sport и Corriere della Sera велат дека лошото однесување би можело да придонесе италијанскиот репрезентативец да замине од Сан Сиро по крајот на сезоната.
 
Весниците велат дека агентот на Марио Балотели, Мино Раиола веќе почнал да бара нов клуб, и враќање во Премиер лигата е една од опциите.

Извор: 24FUDBAL.com.mk