Шпанија | Андрес Иниеста вели дека не е во војна со Барселона околу новиот договор, и додава дека сака да стави крај на кариерата на Камп Ноу...

Репрезентативецот на ’Црвената Фурија’ е обврзан кон ’Каталонците’ до 2015 и шампионот на Шпанија се обидува да ја продолжи верноста на Андрес Иниеста, но двете страни сеуште не можат да пронајдат согласност.
 
Медиумите шпекулираат дека фудбалерот одбил нов договор со годишна плата од 12 милиони евра, а целата ситуација внимателно ја следат ПСЖ, Манчестер Јунајтед и Манчестер Сити.
 
Андрес Иниеста вчера се појави на прес конференција и една од главните теми беше неговата иднина.
 
29 годишниот Шпанец рече дека сака да стави крај на кариерата на Камп Ноу, и инсистира дека парите не се проблем за новиот договор.
 
„Нема војна помеѓу мене и Барса” – рече Иниеста. „Мојата желба и намера е да се пензионирам во Барса, а и клубот го сака истото”.
 
„Сигурен сум дека ќе постигнеме согласност”.
 
„Клубот сака да останам а и јас сакам да продолжам во Барса. Не се работи за пари, не сум заинтересиран за тоа дали сум втор, трет, четврт или петти најплатен играч”.
 
„Она што ме мотивира е фактот што знам дека пред мене имам уште неколку добри години во кој ќе продолжам да бележам прогрес”.

Извор: 24FUDBAL.com.mk