Англија | Андре Вилаш Боаш вели дека летоска бил во контакт со ПСЖ но решил да остане на Вајт Харт Лејн и да продолжи со проектот на Тотенхем...

По заминувањето на Карло Анчелоти во Реал Мадрид, ПСЖ имаше неколку желби за тренерското столче на Паркот на Принцовите, а една од нив беше и Андре Вилаш Боаш.
 
Португалецот вели дека бил ставен во искушение, но на крајот решил да остане во Лондон и да продолжи со проектот на Тотенхем.
 
„Имам добар однос со претседателот на ПСЖ, Насер ал-Келаифи, често разговарам со него” – рече Вилаш Боаш за L’Equipe.
 
„Добро е познато дека ПСЖ стапи во контакт со мене, но сакав да одработам втора сезона во Тотенхем, да продолжам со добрата работа од минатата сезона и да останам две сезони во еден клуб за прв пат во мојата кариера”.
 
„Бев привлечен од проектот на ПСЖ, поточно верував дека ПСЖ е атрактивна опција”.
 
„Доколку на други луѓе им се допаѓа начинот на кој работите, секако дека сте поласкан, но Тотенхем е многу добар клуб”.
 
„ПСЖ поминува низ структурни промени, додека пак Тотенхем тоа веќе го направи. ’Спарси’ се еден чекор понапред”.
 
„Со оглед на големите инвестиции кои ПСЖ ги направи во последните две години, амбицијата е да се освои Лигата на Шампионите, додека пак нашата амбиција е да се биде во најелитното европско натпреварување”.
 
„Дали добив конкретна понуда од ПСЖ? Никогаш не дојдовме до таа етапа во преговорите”.

Извор: 24FUDBAL.com.mk