Шпанија | Тренерот на Реал Мадрид, Карло Анчелоти му порача на Жерард Пике повеќе да мисли на играта откаколку да зборува надвор од теренот...

’Кралевите’ вчера славеа над Елче со 2-1 откако во петтата минута од судиското надоплнување, судијата Муњиз Фернандез наседна на глумата на Пепе и досуди непостоечки пенал, а Кристијано Роналдо успешно ја реализираше најстрогата казна.
 
За ваквата контроверзна одлука, дефанзивецот на Барселона, Жерард Пике на Твитер саркастично искоментира: „Гледам комедија филм на Canal+Liga. Тоа секогаш е добро во овие часови од ноќта”.
 
Запрашан за коментарите на Пике, тренерот на Реал Мадрид, Карло Анчелоти одговори: „Тој повеќе треба да мисли на играњето фудбал а не да зборува”.
 
„Подобар е на теренот отколку надвор од него”.
 
За одлуката на судијата да покаже на белата точка, Италијанецот рече: „Од клупата тешко е да се каже што навистина се случи, во глобала не сакам да ги коментирам одлуките на судиите”.
 
„Разговарав со Пепе и тој ми кажа дека било чист пенал”.
 
И покрај трите освоени бода, Карло Анчелоти не е задоволен од она што го видел.
 
„Не сум задоволен, потребно е да играме поинаку, противникот ни создаде големи проблеми”.
 
„Јасно е дека не сум среќен од натпреварот. Секако, добро е што освоивме три бода, но тоа не е доволно”.
 
„Мораме да играме подобро”.
 
„Доколку играме вака против Атлетико Мадрид, ќе загубиме. На сите им е јасно тоа”.

Извор: 24FUDBAL.com.mk