Претседателот на Интер, Масимо Морати вели дека Мурињо мора да ги почитува своите обврски...

Жозе Мурињо беше донесен во Интер за клубот да напредува во Лигата на Шампионите, но тоа не се случува.

По срамниот пораз од Барселона, Интер во последното коло ќе треба да го обезбеди пласманот во следната фаза од големото натпреварување.

Медиумите пишуваа дека по натпреварот на Ноу Камп, Морати и Мурињо ги заладиле односите, сепак претседателот на Интер демантира дека тоа е така.

"Да, јас зборував со Мурињо и ние го искажавме нашето незадоволство, но сега мора да продолжиме напред" - изјави Морати за Sky Italia television.

"Тој е професионалец и знае дека мора да ги почитува своите обврски во Европа и во Серија А. Не е точно дека се заладени односите помеѓу нас".

Интер утре ја пречекува Фиорентина, потоа се соочува со Јувентус, по што следува клучниот дуел против Рубин Казан.

"Дали би заменил пораз од Јуве за победа над Рубин? Не, апсолутно не" - вели Морати.

Powered by: 24 FUDBAL.com.mk