Германија | Роберт Левандовски потврди дека планира на стартот од наредната година да потпише со шампионот на Германија, Баерн Минхен...

’Баварците’ се обидоа ова лето да стигнат до услугите на напаѓачот, но Борусија Дортмунд не сакаше да слушне за продажба.
 
’Милионерите’ решија да го задржат Роберт Левандовски и покрај тоа што играчот е под договор до 30. јуни 2014 и следното лето како слободен агент ќе замине од Сигнал Идуна Парк.
 
Неколку гиганти од Европа се интересираат за услугите на напаѓачот, но тој посакува само преселба на Алианц Арена, и подолго време се говори дека Левандовски веќе се има договорено со лидерите на ’Баварците’.
 
Според правилата на ФИФА, репрезентативецот на Полска веќе на стартот од следната година може да стави потпис на пред-договор со неговиот следен клуб.
 
По крајот на вчерашниот дуел со Минхен 1860 во Купот на Германија, Левандовски призна дека планира да потпише со Баерн Минхен во јануари.
 
„Дали во јануари ќе можам да кажам дека се селам во Баерн? Да, бидејќи тогаш можам официјално да потпишам договор” – рече Левандовски.
 
„Само во јануари ќе можам официјално да потврдам, во моментов е прерано. Ќе треба да почекаме”.

Интересно: 24FUDBAL.com.mk