Англија | Брендан Роџерс вели дека Луис Суарез ќе настапи на дуелот со Манчестер Јунајтед но сеуште не знае дали напаѓачот ќе биде стартер или дел од клупата за резерви...
26 годишниот репрезентативец на Уругвај ја одлежа суспензијата од 10 натпревари добиена за инцидентот во кој го гризна за рака дефанзивецот на Челзи, Бранислав Ивановиќ.
Луис Суарез сега е во комбинација за средбата во среда против Манчестер Јунајтед во третото коло од Лига Купот, и Брендан Роџерс вели дека напаѓачот е подготвен за враќање на терените.
„Со сигурност тој се враќа во составот и задоволни сме што го имаме на располагање” – рече менаџерот на Ливерпул.
„Тој помина низ еден тежок период бидејќи не можеше да игра. Но морам да признаам дека добро се подготвуваше изминативе недели за враќање на терените. Неговото однесување на тренинзите беше фантастично”.
„Ќе патува со нас и во следните 24 часа ќе одлучиме дали Луис ќе биде стартер или не. Кога играч со квалитетот на Суарез се враќа во составот, се подигнува еланот кај сите фудбалери”.
Додека ја одработуваше суспензијата, Луис Суарез настапи на неколку натпревари за ’Црвените’ зад затворени врати.
„Неколку недели го подготвувавме за ваков момент” – продолжи Роџерс.
„Секако дека не можете да бидете во полн фитнес се додека не почнете да играте по 90 минути, но јас секогаш се воодушевував на неговата физичка подготвеност”.
„Луис минатата сезона патуваше насекаде низ светот за да игра за репрезентацијата на Уругвај, и кога ќе се вратеше очекувате тој да биде изморен, но тој секогаш беше подготвен за нов натпревар, против Виган дури постигна хет-трик”.
„Неговите најдобри квалитети се желбата и посветеноста. Сигурен сум дека ќе даде 100% и за неколку натпревари ќе влезе во ритам”.
Извор: 24FUDBAL.com.mk
