Англија | Дејвид Мојс признава дека ’Граѓаните’ биле подобриот противник во дербито на Манчестер, и побара од неговите играчи веднаш да одговорат по срамниот пораз...

Сити вчера забележа убедлива победа од 4-1 над својот голем градски ривал, избраниците на Мануел Пелегрини одиграа извонредно, доминираа во средниот ред и му нанесоа тежок пораз на актуелниот шамион на Англија.
 
„Не одигравме добро” – рече Дејвид Мојс по крајот на натпреварот. „Сити беше подобриот тим, започнаа силно од првата минута”.
 
„Манчестер Сити одигра навистина добро, за разлика од нас, морам да кажам дека ние одигравме лошо”.
 
„На почетокот од натпреварот нивниот среден ред беше одличен, не можевме да им се спротивставиме на овој дел од теренот, па тие доминираа”.
 
„Но морам да ги пофалам моите играчи што продолжија да се борат до самиот крај, не се откажуваа и постигнаа гол”.
 
„Ќе се подобриме, сезоната е долга, треба да го заборавиме овој пораз и да се фокусираме на иднината”.
 
Мојс очекува ’Црвените Ѓаволи’ експресно да се вратат на победничките патеки и поразот на Етихад Стадионот да биде надминат со победа на дуелот против Ливерпул во Лига Купот.
 
„Им кажав дека очекувам експресно да одговорат. Секогаш кога ќе изгубите натпревар, одите на победа на следниот”.
 
„Ќе го дадеме максимумот за да победиме на следниот натпревар”.
 
Манчестер Јунајтед има 7 бода од воведните пет средби во Премиер лигата, и Дејвид Мојс уште еднаш го изрази незадоволството од распоредот на ’Црвените Ѓаволи’.
 
„Можевме да имаме многу подобар старт, но кажав дека ќе биде тежок старт поради лошиот распоред”.
 
„Уште кога беше направена ждрепката кажав дека не ми се допаѓа распоредот”.

Извор: 24FUDBAL.com.mk