Италија | Рафа Бенитез е среќен со триумфот на Наполи од 2-1 на гостувањето кај Милан и вели дека во иднина тие ќе бидат уште посилни...

’Наполитанците’ по 27 години славеа на Сан Сиро и го задржат 100% учиник на стартот од сезоната.
 
„Победивме против одличен тим” – рече Рафа Бенитез по крајот на натпреварот.
 
„Не беше лесно да се контролира Милан, Матри отвараше простор за Балотели, кој во неколку наврати се најде во шанса за гол. Сепак како тим завршивме одлична работа”.
 
„Потребно е да поработиме на некои работи и да се подобриме во одбрана, но имаме време за сето ова, оваа победа ни дава дополнителна волја за работа”.
 
„Треба да се подобриме, но морам да сум задоволен со победа над еден ваков силен тим како што е Милан”.
 
Запрашан дали е изненаден од ваквиот старт на Наполи, Шпанецот рече: „Не сум изненаден од резултатите”.
 
„На подготовките за новата сезона видов тим што работи напорно. Сеуште не сме го виделе најдоброто од Наполи”.
 
„Би рекол дека сега сме на 73% и можеме да се подобриме. Победата ќе ни помогне, токму тоа ни е потребно”.
 
Пепе Реина вчера го одбрани пеналот на Марио Балотели и стана првиот голман што го запре напаѓачот од белата точка.
 
„Реина работеше напорно со тренерот на голманите и студираше снимки од пеналите на Балотели”.
 
„Одлично ја завршија работата”.

Извор: 24FUDBAL.com.mk