Англија | Капитенот на Манчестер Сити, Винсент Компани се враќа во составот на Граѓаните за големото градско дерби, Вејн Руни во одлична форма ќе се појави на Етихад Стадионот...

Против Баер Леверкузен, Вејн Руни го постигна 200. гол во дресот на Манчестер Јунајтед, англискиот репрезентативец игра во одлична форма на почетокот од сезоната.
 
По паузата поради повреда Винсент Компани се враќа на терените, против Плзен го имаше првиот натпревар за Манчестер Сити оваа сезона.
 
Во недела на програмата е големото дерби на Манчестер, Компани ќе има задача да го спречи налетот на Вејн Руни.
 
„Одлично е тоа што тој повторно игра во добра форма" - вели Компани.
 
„Сакате да играте против најдобрите фудбалери кога се во најдобра форма. Така размислувам јас".
 
„Секогаш сум сакал да играм против фудбалери кои се во најдобра форма. Среќен сум што во моментов Руни игра одлично".
 
„Дербито секогаш е посебен натпревар и тоа не само за луѓето во Манчестер, туку многу луѓе во целиот свет уживаат во него. Тоа е дуел кој предизвикува големо внимание".

Извор: 24FUDBAL.com.mk