Лига на Шампиони | Рафа Бенитез вели дека ’Наполитанците’ ќе одиграaт офанзивно против Борусија Дортмунд и цели кон освојување на три бода...

Наполи вечерва на Сан Паоло го пречекува минатогодишниот финалист во Лигата на Шампионите, Борусија Дортмунд.
 
Рафа Бенитез верува дека ’Милионерите’ во овој момент се тимот во најдобра форма во Европа, но инсистира дека Наполи нема да се брани, и со офанзивна игра ќе се обиде да стигне до три бода.
 
„Борусија Дортмунд е екипа од светска класа, би рекол дека во моментов тие се тимот во најдобра форма во Европа” – рече Шпанецот на прес-конференцијата.
 
„Имаат тренер кој многу го почитувам, и работи со нив шест години. Јирген Клоп е одличен стратег, има пасија за фудбалот, и ми се допаѓа тоа“.
 
„Очигледно нивниот проект е многу понапреден од нашиот, но затоа ние мораме да продолжиме на нашиот пат и да бележиме прогрес“.
 
„Преферирам вакви натпревари бидејќи ни се укажува можност да покажеме колку сме силни”.
 
„Подобро ќе го разбереме нашиот потенцијал и ќе видиме каде стоиме кога се во прашање топ екипите од Европа”.
 
„Ритамот на натпреварот ќе биде поразличен од оној во Серија А, па затоа од голема помош ќе ни биде поддршката на фановите, тие можат да одиграат голема улога”.
 
„Ќе играме онакако како што треба да играме. Доколку треба да напаѓаме, ќе напаѓаме, доколку треба да се браниме ќе се браниме”,
 
„Но едно е сигурно, нема да играме со 11 фудбалери зад топката”.
 
„Сакаме да напаѓаме и да сакаме да победиме”.
 
„Имаме почит кон сите, особено кон топ клуб како Борусија Дортмунд, но не се плашиме од никого и не го велам ова со ароганција”.
 
„Доколку одиграме онака како што умееме, ќе бидеме тежок противник за било која екипа”.

Извор: 24FUDBAL.com.mk