Менаџерот на Арсенал, Арсен Венгер вели дека под голем знак прашалник е настапот на Вилијам Галас на дерби натпреварот против Челзи...

Галас е неизвесен за натпреварот со Челзи, дефанзивецот има повреда на зглобот, која не е толку проблематична, но има и оток на окото кој е главна причина за сомеж дали ќе настапи.

"Настапот на Галас е под голем знак прашалник, за жал не можам да кажам дека тој ќе игра" - изјави Венгер.

"Зглобот ќе биде добар, но окото сеуште е многу, многу, многу отечено".

"Тој носи контакт леќи и во овој момент не може да ги користи. Се надеваме дека до недела ќе биде подобар".

"Ситуацијата не е најдобра, но оптимист сум бидејќи имаме уште три дена до натпреварот".

Галас настрада во дуел со својот соиграч, Андреи Аршавин на натпреварот против Стандард, но рускиот фудбалер нема последици.

"Аршавин беше шокиран, но сега е добар" - изјави Венгер.

Powered by: 24 FUDBAL.com.mk