Шпанија | Во натпревар со трилер завршница Барселона ја победи Севиља со 3-2, Герет Бејл дебитираше за Реал Мадрид, но Кралевите одиграа само 2-2 на гостувањето кај Виљареал...
Барселона водеше со 2-0, Севиља успеа да ја анулира негативата, но не и да извлече бод од Камп Ноу.
По асистенција на Адриано во 36. минута, Алвеш со глава реализираше за водство на Барса од 1-0.
Во 76. минута по додавање од Нејмар, Меси го зголеми водството на 2-0, но Севиља не се предаде.
Четири минути подоцна Ракитиќ намали на 2-1, а Коке во 90. минута го изедначи резултатот на 2-2.
Сепак Санчез погоди во 94. минута за нова победа на Барселона.
Герет Бејл дебитираше со гол за Реал Мадрид, но Кралевите одиграа 2-2 на гостувањето кај повратникот во Примера, Виљареал.
Дека одличниот старт на сезоната не е случајност, покажа погодокот на Кани во 20. минута кој даде дознаење дека Реал ќе има тешка задача да дојде до трите бода.
Во 38. минута по асистенција од Карвахал, Герет Бејл го изедначи резултатот на 1-1-, а во 63. Кристијано Роналдо погоди за комплетен пресврт и водство од 2-1.
Но шест минути подоцна, Дош Сантош реализира за конечни 2-2.
Атлетико Мадрид дојде до нов триумф, овој пат од 4-2 над Алемрија.
Давид Виља, Диего Коста, Тиаго и Коке беа стрелци на погодоците за Атлетико Мадрид.
Немаше погодоци на натпреварот помеѓу Леванте и Реал Сосиедад.
Извор: 24FUDBAL.com.mk
