Шпанија | Кристијано Роналдо ја продолжи верноста кон ’Кралевите’, Португалецот и лидерите на Реал Мадрид постигнале согласност за нов петгодишен договор...

Во септември минатата година, Кристијано Роналдо на големо изненадување изјави дека не е среќен на Сантијаго Бернабеу, па се појавија голем број на шпекулации за неговата иднина.
 
Играчот се поврзуваше со мега трансфер во ПСЖ како и со враќање во Манчестер Јунајтед, но од таборот на Реал Мадрид постојано најавуваа дека не помислуваат на продажба.
 
По долги преговори, двете страни успеаа да ги испеглаат разликите и CR7 се сложи да стави потпис на нов договор.
 
’Кралевите’  утрово пренесоа дека во 13:45 на Сантијаго Бернабеу ќе биде одржана прес конференција на која ќе се појават претседателот Флорентино Перез и Кристијано Роналдо за да соопштат вестите дека Португалецот ја продолжил верноста.
 
Во овој момент детали не се соопштуваат, а според пишувањата на медиумите од Шпанија, CR7 ќе стави потпис на пет годишен договор според кој ќе заработува 17 милиони евра по сезона.
 
Со ваква плата, репрезентативецот на Португалија ќе стане најплатениот играч во светот на фудбалот.

Извор: 24FUDBAL.com.mk