Англија | Менаџерот на Арсенал, Арсен Венгер вели дека сеуште е рано за започнување преговори за продолжување на неговиот договор...

Французинот, кој по заминувањето на Сер Алекс Фергусон е менаџерот со најмногу години поминати во Премиер лигата, е обврзан кон ’Топџиите’ до јуни 2014.
 
Арсен Венгер добива голема поддршка од лидерите на клубот, кои најавија дека ќе започнат преговори со стратегот за нов договор.
 
Сепак, менаџерот на Арсенал вели дека нема потреба за брзање, и додава дека успехот што ќе го забележи оваа сезона ќе има влијание врз неговата одлука.
 
„Нема потреба за брзање” – рече Венгер. „Сега сме септември а мојот договор истекува во јуни, па има уште многу време”.
 
„Нема потреба за преговори.”
 
„Секогаш велев дека сакам добро да си ја завршам работата, па на крајот, ќе седнам и ќе се запрашам колку добро ја завршив работата со тимот што го имав на располагање?”
 
„Тоа би требало да биде доволно за да одлучам, да кажам да или не”.

Извор: 24FUDBAL.com.mk