Италија | Генералниот директор на Јувентус, Бепе Марота ги отфрла сториите кои велат дека тренерот Антонио Конте би можел да замине од Торино...

Стратегот го превзеде кормилто на ’Старата Дама’ во 2011 и на ’Бјанконерите’ им донесе две Скудета во низа.
 
Неодамна медиумите од Италија почнаа да пишуваат дека иднината на Антонио Конте во Торино е под знак прашалник, откако тој изрази незадоволство од продажбата на Емануел Џакерини и Алесандро Матри.
 
Неговото име се посочуваше како опција за селекторското столче на ’Аѕурите’ доколку Чезаре Прандели реши да замине, но генералниот директор на Јувентус, Бепе Марота ги отфрла ваквите стории и вели дека Антонио Конте останува.
 
„Односот помеѓу тренерот и клубот е фантастичен” – рече Марота за Sky Sport Italia.
 
„Претседателот, Андреа Ањели и директорите имаат идеален однос со нашиот стратег, и се во контакт со него секој ден”.
 
„Нема шанси тој да замине од Јувентус”.
 
„Го обожава тимот, и на најдобар можен начин ја живее оваа авантура“.

Извор: 24FUDBAL.com.mk