Англија | ’Топџиите’ ќе истражуваат дали тренерот од академијата, Марк Арбер ги прекршил правилата на ФА и се обложил на трансфер на Месут Озил на Емирати...

Арсенал цело лето не потроши ниту едно евро за засилување на тимот, а во последниот ден од преодниот рок, Арсен Венгер го одврза ќесето и го ангажираше германскиот репрезентативец во зделка вредна околу 50 милиони евра.
 
Тренерот од акедемијата на ’Топџиите’, Марк Арбер преку Твитер сугерираше дека се обложил на ваквиот трансфер и добро заработил на коефициент 15.
 
Арбер на Твитер напиша: „Прекрасно парче од 14-1 (коефициент 15) Озил”.
 
Фудбалската Асоцијација на Англија го забранува ваквото обложување, па Арсенал покрена истрага.
 
Портпаролот на ’Топџиите’ рече: „Сериозно ќе му пристапиме на целиот случај“.
 
„Сите наши вработени добро ги познаваат своите одговорности, па веднаш ќе го разгледаме случајот”.

Извор: 24FUDBAL.com.mk