Арсенал помина во следната фаза од Лигата на Шампионите, но не беше се позитивно за Топџиите, Киеран Гибс заработи фрактура на левото стапало...

Не се одвиваше се најдобро за Арсенал на синоќешниот натпревар против Стандард, победија со 2-0, но се повреди Гибс.

Младиот лев бек штотуку се врати од повреда на стапалото, повторно се повреди, со што сигурно ќе го пропушти натпреварот против Челзи, прогнозите се дека три месеци ќе биде надвор од терените.

Тој беше замена за Гаел Клиши на левата бековска позиција, кој од поодамна е повреден.

"Гибс има голема дупка во неговата нога" - изјави Венгер за официјалниот сајт на Арсенал.

"Тоа беше многу лош старт од страна на играчот со број 22 и не беше негов прв обид за жал. Гибс не изгледа добро".

Венгер се надева дека Галас и Аршавин кои исто така добија удари против Стандард, ќе бидат подготвени за дуелот против Челзи во недела.

"Галас има проблем со зглобот и оток на окото, но мислам дека ќе биде подготвен до недела, се надеваме дека ќе биде така. Не можеше да гледа поради отокот".

"Се надеваме дека и Аршавин кој имаше удар на главата ќе биде на располагање до недела".

Арсен Венгер е задоволен од пласманот во следната фаза од Лигата на Шампионите и најави дека ќе одмори дел од главните фудбалери во последното коло.

"Мислам дека одигравме добро прво полувреме, по водството од 2-0 се опуштивме малку во второто полувреме и темпото на натпреварот опадна".

"Пласманот значи дека ќе одмориме неколку фудбалери во последниот натпревар доколку е потребно. Ќе им дадеме шанса на некои од младите фудбалери" - заврши Венгер.

Powered by: 24 FUDBAL.com.mk