Италија | Стефан Ел Шарави вели дека нема да замине од Сан Сиро без разлика на понудите што ќе пристигнат...

Откако ’Росоњерите’ ги ангажираа Алесандро Матри и Кака, се појавија шпекулации кои велеа дека Стефан Ел Шарави ќе замине од Милано.
 
Репрезентативецот на Италија најпрво беше поврзан со трансфер во Реал Мадрид, а потоа и со преселба во Манчестер Сити.
 
Сепак, самиот Ел Шарави ги отфрла ваквите стории и порачува дека ќе остане на Сан Сиро.
 
„Одлучив дека ќе останам во Милан” – рече тој за Sport Mediaset.
 
„Донесов конечна одлука, и без разлика какви ќе бидат понудите што ќе пристигнат, сакам да останам во Милан”.
 
На вчерашниот дуел со Каљари, Ел Шарави беше изоставен од стартниот состав, и ги одигра само последните две минути.
 
Младиот напаѓач вели дека нема никаков проблем помеѓу него и тренерот Масимо Алегри, и тој ја прифаќа ваквата одлука.
 
„Не ги оспорувам одлуките на тренерот” – додаде Ел Шарави.
 
Запрашан за трансферот на Кака на Сан Сиро, тој со насмевка на лицето одговори: „Кака е мојот идол!”

Извор: 24FUDBAL.com.mk