Англија | Менаџерот на Манчестер Сити, Роберто Манчини вели дека е свесен за лошата навика на Марио Балотели, и го советува напаѓачот да ги остави цигарите...

’Супер Марио’, кој многу често е во центарот на вниманието поради глупостите што ги прави надвор од теренот, неодамна беше сликан со цигара во рака.
 
Роберто Манчини знае за оваа лоша навика на својот сонародник, и го советува што поскоро да ги остави цигарите.
 
“Знам дека пуши.” – рече менаџерот на Сити. “Според мене, тоа не е во ред, но јас не сум му татко или пак мајка.”
 
“Доколку ми беше син, ќе го исплескав по газот. Но тој не ми е син.”
 
“Му кажав дека за мене е подобро доколку не пуши. Јас сум противник на цигарите, и поради оваа причина мојот син не пуши. Но тука и во Италија има фудбалери што пушат.”
 
“Мислам дека не пуши многу цигари, пет или шест во денот, но му кажав дека не ми се допаѓа тоа.”
 
Балотели во октомви беше приморан да го напушти својот дом во Чешир, откако напаѓачот и неговите пријатели се обиделе да испалат огномет низ прозорецот од купатилото, при што настанал пожар.
 
Манчини додаде: “Можеби го запалил огнометот со цигара!”

Извор: 24FUDBAL.com.mk