Англија | Жозе Мурињо верува дека Арсенал е кандидат за титулата во Премиерлигата по ангажманот на Месут Озил, па затоа тој не му дозволил на Демба Ба да се пресели на Емирати...

Во последниот ден од летниот трансфер период ’Топџиите’ го одврзаа ќесето и платија преку 45 милиони за ангажман на Месут Озил од Реал Мадрид.
 
Арсенал исто така се обиде да го ангажира и Демба Ба од Челзи, но Жозе Мурињо не му дозволи на напаѓачот да се пресели на Емирати.

’Специјалниот’ верува дека тимот на Арсен Венгер е кандидат за титулата во Премиерлигата по ангажманот на Месут Озил, па не сакал дополнително да го засили градскиот ривал.
 
Мурињо, кој соработуваше со репрезентативецот на Германија во Реал Мадрид, рече: „Озил е уникатен, не постои негова копија, дури ниту лоша. Тој е најдобрата ’десетка’ во светот”.
 
„Месут ги правеше работите полесни за мене и неговите соиграчи со визијата за играта што ја имаше и добрите одлуките што ги носеше”.
 
„Сите го сакаа, и веројатно во него видоа дел од Луис Фиго и Зинедин Зидан”.
 
„Не ја прифативме понудата на Арсенал за Демба Ба бидејќи со ангажманот на Озил тие станаа кандидат за титулата”.

Извор: 24FUDBAL.com.mk