Шпанија | Андер Ерера вели дека е горд што Манчестер Јунајтед доставил понуда за неговите услуги, но негира дека имал договор со ’Црвените Ѓаволи’ за преселба на Олд Трафорд...
Шампионот на Англија минатата недела достави понуда за услугите на фудбалерот од средниот ред вредна околу 30 милиони евра, но Атлетик Билбао одговори негативно.
’Баскијците’ му порачаа на Манчестер Јунајтед дека не сакаат да преговараат, па потребно е да се плати откупната клаузула во договорот на играчот вредна 36 милиони евра за Андер Ерара да замине.
Во понеделникот се појавија гласини кои велеа дека ’Црвените Ѓаволи’ ја платиле откупната клаузула, но на крајот ваквите стории се покажаа како неточни и играчот остана на Сан Мамеш.
„Единствена опција, како што кажа претседателот, беше да се плати откупната клаузула” – рече Андер Ерера на денешната прес конференција.
„Никогаш никој не ме извести дека Јунајтед ќе ја плати клаузулата”.
„Исто така во ниту еден момент јас немав договор со Јунајтед за преселба на Олд Трафорд. Не разговарав со нив за детали од договорот”.
„Молчев бидејќи имавме важен натпревар со Реал Мадрид. Сега сум тука, и без проблем ќе зборувам за вистината”.
„Ќе продолжам да ја демонстрирам мојата верносот кон Атлетик, исто како што го правев тоа од првиот ден тука”.
„Бев поласкан и горд што голем клуб како Манчестер Јунајтед достави понуда за мене, но среќен сум во Билбао”.
Конфузија околу зделката настана кога во канцелариите на ЛФП пристигнале три лица кои се преставиле како адвокати на Манчестер Јунајтед дојдени да го реализираат трансферот на Андер Ерара.
„Не знам кои биле тие, не беа луѓе кои ме преставуваа мене, па треба на друг да му го поставите ова прашање”.
Извор: 24FUDBAL.com.mk
