Шпанија | Сеск Фабрегас инсистира дека не помислува за заминување од Камп Ноу, играчот посакува да ја заврши кариерата во дресот на ’Каталонците’...

Репрезентативецот на ’Шпанија’ во 2011 се врати во Барселона, но не успеа да се избори за регуларен фудбал и првотимски статус.
 
Се говореше дека Сеск Фабрегас би можел да биде продаден, а не негова адреса Манчестер Јунајтед ова лето достави две понуди.
 
Сепак, фудбалерот од средниот ред не сакаше да замине од Камп Ноу, па ’Црвените Ѓаволи’ се откажаа од обидите.
 
Во разговор со Cadena Cope, тој сега открива дека нема да го промени ставот дури и ако некој клуб му понуди двојно поголема плата или пак поголема минутажа.
 
„Колку е потежок предизвикот толку повеќе ми се допаѓа, и Барселона е најголемиот и најтешкиот предизвик” – рече Сеск.
 
„Сакам мојата авантура тука да има среќен крај, доколку ми се укаже шанса да се пензионирам на Камп Ноу, тогаш уште подобро”.
 
„Единствено нешто во моите мисли е успех со Барселона”.
 
„Кога пристигнав во Барселона знаев дека има други места каде можам да заработувам повеќе пари или да имам поголема минутажа, но играњето за Барса беше мојот сон”.
 
„Тоа е мојот сон од детството. Нема да заминам, дури и ако некој ми понуди двојно поголема плата”.

Извор: 24FUDBAL.com.mk