Незадоволен од својата ситуација во тимот, Бабел изјави дека планира да си замине во Јануари...

Рајан Бабел е незадоволен од својата ситуација во Ливерпул, изјавувајќи дека размислува за напуштање на клубот во јануарскиот преоден рок. Тој потпиша за Ливерпул во 2007. за сума од 11.5 милиони фунти, а дојде од екипата на Ајакс.

Како и да е, Холанѓанецот од тогаш не успеа да се наметне како стартер во екипата, и често е нарекуван "супер-замена" поради головите што ги постигнуваше откако ќе влезе од клупа. Во поселдно време, се почесто изјавува дека сака да го напушти клубот, во случај ваквата ситуација да продолжи.

"Јас и менаџерот (Бенитез) ја разгледувавме ситуацијата минатата зима. Ако нема напредок, тогаш да бидам искрен, сакам да играм во друг клуб" изјави 22-годишникот за The Sun.

Поранешниот напаѓач на Ајакс тврди дека разговорите со Бенитез не биле продуктивни, бидејќи неговите барања да биде стартер не влијаеле врз него.

"Се обидував да разговарам со менаџерот, но тоа немаше влијание. Не можев да направам ништо со одговорот што Бенитез ми го даде."

Тој не го прослави премногу голот што го постигна против Лион во Лигата на Шампионите, а за тоа изјави: "Не играм многу, така што не можам да сум среќен и да прославувам гласно. Одредени емоции се блокирани, тие се потиснати од сите грижи што ги носам во мене. Понекогаш се запрашувам колку долко можам да издржам, но ќе се борам за мојата позиција, што друго би правел?"

Powered by: 24 FUDBAL.com.mk