Англија | Пред истекот на преодниот рок, Арсенал го потврди ангажманот на германскиот интернационалец, Месут Озил, трансфер кој е апсолутен рекорд за Топџиите...

Пред самиот крај на преодниот рок Арсенал успеа да донесе големо засилување, Месут Озил од Реал Мадрид пристигна на Емирати.

„Екстремно сме задоволни што успеавме да потпишеме со Месут Озил. Тој е одличен фудбалер со докажани квалитети и на клупско и на репрезентативно ниво" - изјави Венгер за официјалната страна на Арсенал.

„Подолго време го следевме, тој ги има сите атрибути кои ги барав јас за фудбалер на Арсенал".

„Велев дека работиме напорно за да донесеме фудбалери од највисока класа во овој клуб. Беа инволвирани многу луѓе во донесувањето на одлуките".

„Месут е фудбалер со врвен квалитет кој ќе биде фантастично засилување за тимот".

Според медиумите, Арсенал за овој трансфер ќе плати 45 милиони евра плус 5 во бонуси, тоа е апсолутен рекорд за Топџиите.

Извор: 24FUDBAL.com.mk