Шпанија | Герет Бејл попладнево беше преставен како ново засилување на Реал Мадрид, Велшанецот најави поход по 10. титула во Лигата на Шампионите...

По голем број на стории и неколку месечни преговори, Реал Мадрид вчера пренесе дека е постигнат договор со Тотенхем за трансфер на Герет Бејл на Сантијаго Бернабеу.
 
Репрезентативецот на Велс утрово ги помина редовните лекарски прегледи, а откако беа комплетирани сите формалности, во придружба на претседателот, Флорентино Перез, Герет Бејл стави потпис на шест годишен договор.
 
Играчот потоа истрча на теренот на Сантијаго Бернабеу да ги поздрави фановите кои дојдоа на неговата презентација.
 
Зборувајќи на шпански, тој рече: „Прекрасно е што сум тука. Ми се оствари сонот”.
 
„Ви благодарам многу. Се надевам дека ќе му помогнам на тимот да освои многу титули, особено 10. во Лигата на Шампионите”.
 
За новиот ’Галактико’, претседателот Флорентино Перез рече: „Му посакуваме добредојде на играч кој минатата сезона беше прогласен за најдобар во Премиер лигата”.
 
„Се работи за фантастичен фудбалер на кого ќе му се оствари сонот да игра за Реал Мадрид”.
 
„Преговорите беа комплексни и долги, но сакам да им се заблагодарам на Тотенхем што ни пружија шанса да го ангажираме играчот. Одлучноста и цврстниот став на Бејл беа многу важни”.

Извор: 24FUDBAL.com.mk