Шпанија | Шпанскиот весник Marca, утринава излезе со вест дека Месут Озил одлучил да остане во Реал Мадрид и покрај високата понуда од Арсенал...

Доцна синоќа излегоа информациите дека Реал Мадрид и Арсенал постигнале договор за трансфер на Месут Озил.
 
Сите очекувања беа дека Топџиите денес ќе го комплетираат трансферот на германскиот интернационалец.
 
Но според она што го пишува Marca, постојат шанси Месут Озил да остане на Сантијаго Бернабеу.
 
„Месут Озил одлучи да остане во Реал Мадрид. Германецот не сака да го напушти клубот и покрај тоа што Флорентино Перез постигна договор за трансфер со Арсенал вреден 45 милиони евра. Клубот сака да се случи овој трансфер, но Месут и неговиот татко сакаат играчот да остане" - пишува Marca.
 
Многу брзо ќе дознаеме дали има вистина во ваквите написи на Marca, и дали Арсенал ќе успее да го ангажира Месут Озил.
 
Sky Sports пишува дека и Манчестер Јунајтед сериозно влегува во трката по Озил.

Извор: 24FUDBAL.com.mk