Германија | Шампионот на Германија не е задоволен од коментарите на Жозе Мурињо за вториот жолт картон што го заработи Рамирез за стартот над Марио Геце...

Во петокот Челзи загуби од Баерн Минхен во Суперкупот на Европа, и покрај тоа што само секунди ги делеа ’Сините’ од трофејот.
 
Челзи натпреварот го заврши со играч помалку откако во 85. минута Рамирез доби втор жолт картон за опасен старт над Марио Геце.
 
По крајот на средбата Жозе Мурињо истакна дека не се сложува со одлуката на судијата, и повторно зборуваше за теории на заговор што УЕФА ги крои против него.
 
На ваквите коментари одговорија лидерите на Баерн Минхен, кои велат дека не можат да го разберат ’Специјалниот’, со оглед на тоа што Марио Геце ќе мора да паузира три недели.
 
„Изјавата на Мурињо е скандалозна” – рече генералниот извршен директор на Баерн, Карл Хајнц Румениге.
 
„По ваков опасен старт, Марио може да се смета за среќен, повредата можеше да биде многу полоша”.
 
Претседателот Ули Хенес пак рече: „Тоа беше чист црвен картон”.
 
„Па доколку познат тренер како Жозе Мурињо зборува деке одлуката е погрешна, се прашувам можеби тој следел некој друг натпревар”.

Извор: 24FUDBAL.com.mk