Италија | ’Росоњерите’ попладнево официјално го потврдија трансферот на Алесандро Матри од Јувентус...

Медиумите од Италија неколку недели говореа дека Милан посакува да го ангажира 29 годишниот репрезентативецот на Италија.
 
Откако во средата беше чекиран билетот за групната фаза од Лигата на Шампионите, лидерите на ’Росоњерите’ дадоа зелено светло и за кратко време беше постигнат договор со Јувентус.
 
Попладнево двата клуба официјално го потврдија трансферот на Алесандро Матри на Сан Сиро.
 
„Милан може да соошти дека го купи Алесандро Матри од Јувентус” – гласеше известувањето на ’Росоњерите’.
 
’Старата Дама’ пренесе дека од продажбата на играчо ќе инкасира 11 милиони евра, сума која Милан ќе ја плати на четири рати.
 
Во меѓувреме, Милан исто така соопшти дека Кевин Принц Боатенг е продаден на Шалке.

Извор: 24FUDBAL.com.mk