Германија | Новото засилување на Шалке, Кевин Принц Боатенг е среќен што се враќа во Бундеслигата, најдоброто првенство во светот...

Шалке утрово соопшти дека Кевин Принц Боатенг е во Гелзенкирхен на лекарски прегледи, и откако беа комплетирани сите формалности играчот попладнево беше преставен како ново засилување за тимот од Велтинс Арена.
 
„Среќен сум што се враќам дома во Германија, Бундеслигата е најдоброто првенство во светот” – рече Боатенг на прес конференцијата.
 
„Првиот контакт беше остварен пред една година, понекогаш треба да чекате за да се случат добрите работи”.
 
„Се беше перфектно, клубот со овие луди фанови, млад тренер, и Хорст Хелдт (генералниот директор на Шалке), кого добро го знам”.
 
Боатенг, кој ќе го носи дресот со бројот 9, стави потпис на тригодишен договор со опција за уште една додатна година.
 
Според медиумите од Германија, за неговите услуги Шалке на Милан му платил околу 12 милиони евра.

Извор: 24FUDBAL.com.mk