Останато | По изведувањето на пенали, Баерн Минхен го совлада Челзи и стигна до трофејот од Суперкупот на Европа...

’Сините’ беа на чекор до успех во Прага, само секунди ги делеа од победа, но на крајот Пеп Гвардиола се радуваше на првиот трофеј на кормилото на ’Баварците’.
 
Челзи добро го започна натпреварот и поведе во 8. минута со голот на Торес. По една акција на Азар и Шурле, напаѓачот потсети на старите добри времиња и биеше неодбранливо за водство од 0-1 .
 
На стартот од вториот дел, Баерн се врати во игра, Рибери биеше силно од врвот на шеснаесетникот и изедначи на 1-1.
 
Во 85. минута Челзи остана со играч помалку откако Рамирез заработи втор жолт картон и исклучување.
 
Избраниците на Пеп притиснаа во завршните мигови но не успеаа посериозно да се заканат, па победникот мораше да се бара преку две продолженија од по 15 минути.
 
Челзи повторно се врати во водство во 93. минута, кога Азар по еден соло пробив ја затресе мрежата на Мануел Ноер, кој сноси одговорност за голот откако лошо го процени летот на топката.
 
Баерн немаше друга опција освен со сите сили да нападне, па шансите се редеа пред голот на ’Сините’.
 
Беа креирани неколку добри прилики но Чех излезе како победник во дуелите со Манџукиќ, Мартинез, Геце и Рибери.
 
И кога се чинеше дека Челзи е новиот освојувач на Суперкупот на Европа, во последните секунди од средбата, Хави Мартинез погоди и изедначи на 2-2.
 
Пенал рулетот го даде победникот, сите изведувачи беа прецизни освен Ромелу Лукаку, кој последен упати удар од белата точка. Напаѓачот биеше многу лоши и му овозможи на Ноер да одбрани.
 
На крајот, Пеп Гвардиола се радуваше на првиот трофеј на кормилото на Баерн Минхен, а за ’Баварците’ ова беше мала освета откако во 2012, Челзи по изведувањето на пеналите стигна до трофејот од Лигата на Шампионите.

Извор: 24FUDBAL.com.mk