Шпанија | ’Баскијците’ вчера го одбиле предлогот на ’Црвените Ѓаволи’ и не сакаат да преговараат со шампионот на Англија...

Медиумите од Шпанија утрово објавија дека Манчестер Јунајтед имал неуспешен обид за ангажман на Андер Ерера, Атлетик Билбао одбил понуда вредна околу 30 милиони евра.
 
’Баскијците’ им порачале на ’Црвените Ѓаволи’ дека единствен начин за фудбалерот од средниот ред да замине од Сан Мамеш е да биде платена откупната клаузула во неговиот договор вредна 36 милиони евра.
 
Зборувајќи денеска на прес конференција, претседателот на Атлетик Билбао, Хосу Урутиа ги потврди ваквите стории.
 
„Добивме формална понуда од Манчестер” – рече Урутиа.
 
„Но нашиот клуб е различен, се базира на емоциите на луѓето. Нашата цел не е да правиме пари”.
 
„Вчера вечер пристигна предлогот, но ние одговоривме дека не преговараме за нашите играчи”.
 
„За еден играч да замине, тој најпрво треба да изрази желба да го напушти клубот, а потоа треба да биде платена неговата откупна клаузула”.
 
„За нас, Атлетик Билбао е уникатен клуб и играчите треба да го чувствуваат исто така”.

Извор: 24FUDBAL.com.mk