Цеск Фабрегас вели дека нема да дозволи шпекулациите кои го поврзуваат со Барса да влијае на неговата игра и навестува дека е можно да остане во Арсенал до крајот на кариерата...
Шпанскиот интернационалец потекнува од младинската школа на Барселона но на 16 години реши да се пресели во Арсенал каде се разви во еден од најдобрите играчи од средниот ред.
Тој постојано се поврзува со враќање во Шпанија, каде екипите на Барселона и Реал Мадрид силно се заинтересирани за неговите услуги.
Се верува дека Каталонците се прва опција за Фабрегас и медиумите најавуваат дека името на играчот ќе биде дел од кампањата на сите претседателски кандидати на Барселона – Хуан Лапорта, Сандро Росел и Агусти Бенедито.
Но самиот играч одбива да им обрнува внимание на шпекулациите.
“Тоа не влијае на мене.” – рече Фабрегас кој говореше пред медумите во пресрет на дуелот против Стандард во Лигата на Шампионите.
“Ова (шпекулациите) траат со години.”
“Не размилувам на тоа бидејќи не сакам и не мислам дека треба.”
“Се наоѓам во одличен клуб, со одличен тим и јас сум среќен.”
“Имаме голема сезона пред нас, и последно нешто што сакам да го направам е да се дисконектирам од она што треба да го направам, да играм за Арсенал, кој е клубот кој ме плаќа.”
“Јас очекувам добра сезона со Арсенал.”
Запрашан дали може да остане во Арсенал до крајот на кариерата, Фабрегас рече: “Зошто да не?”
“Никогаш не сум размислувал за ова бидејќи имам 22 години и никогаш не знаете што може да донесе фудбалот – но зошто да не?”
“Ова е моја седма сезона сега, јас сум навистина среќен, најдобар од било кога, па никогаш не се знае.”
Powered by: 24 FUDBAL.com.mk
