Англија | Медиумите од ’Островото’ пренесуваат дека ’Карамелите’ вчера одбиле понуда од Манчестер Јунајтед за Маруан Фелаини и Лејтон Бејнс вредна 36 милиони фунти...

Пред десетина дена ’Црвените Ѓаволи’ понудија 28 милиони фунти за дуото на Евертон, но тимот од Гудисон Парк го одби ваквиот предлог и ја опиша понудата како смешна и навредлива.
 
Неколку весници од ’Островото’ денеска пренесоа дека Манчестер Јунајтед вчера вечерта доставил нова понуда за Маруан Фелаини и Лејтон Бејнс вредна 36 милиони фунти, но повторно добиле негативен одговор.
 
Преговорите помеѓу двата клуба ќе продолжат, и се очекува шампионот на Англија да достави нова подобрена понуда пред истекот на преодниот рок во понеделник.
 
Daily Mirror вели дека ’Карамелите’ нема лесно да се откажат од услугите на своите најдобри играчи и бараат 50 милиони фунти за Фелаини и Бејнс, или по 25 милиони фунти за секој играч.
 
Daily Mail пак пренесува дека Фелаини побарал да замине од Гудисон Парк.
 
Фудбалерот од средниот ред не доставил формално барање за трансфер, но во разговор со менаџерот Роберто Мартинез му соопштил дека посакува да се пресели на Олд Трафорд.
 
Се говори дека ’Црвените Ѓаволи’ ќе имаат поголеми шанси за договор со Евертон доколку достават понуда само за репрезентативецот на Белгија.

Извор: 24FUDBAL.com.mk