Англија | Брендан Роџерс му порачува на Реал Мадрид дека ќе биде многу тешко да го ангажираат Луис Суарез во последните денови од летниот трансфер период...

 Минатиот месец медиумите го поврзуваа Луис Суарез со трансфер на Сантијаго Бернабеу, но ’Кралевите’ не испратија конкретна понуда.

Сега одново се говори за можноста напаѓачот да се пресели во Реал Мадрид, откако Арсенал пројави интерес за Карим Бензема.

Но менаџерот на Ливерпул, Брендан Роџерс порачува дека е премногу доцна за тие да го продадат Луис Суарез.

„Многу е тешко во овој момент да прифатиме продажба на Суарез” – рече Роџерс.

„Се обидуваме да ангажираме едно или две квалитетни засилувања, но продажба на Луис не е опција“.

„Доколку во овој период го загубиме Луис, ќе биде тешко да најдеме соодветна замена”.

„Можеби имаше простор за една ваква зделка пред неколку месеци, но не и сега на 11 дена до крајот на преодниот рок”.

„Сигурен сум дека ќе има многу активности во последните денови од летниот трансфер период, а ние ќе се справиме исто како што се справуваме во текот на изминативе месеци”.

Извор: 24FUDBAL.com.mk