Англија | Менаџерот на Манчестер Јунајтед, Дејвид Мојс вели дека ќе го засили тимот само доколку може да купи соодвени квалитетни фудбалери...

’Црвените Ѓаволи’ имаа неуспешен обид за ангажман на Сеск Фабрегас од Барселона, а добија негативен одговор и од Евертон за дуото Маруан Фелаини и Лејтон Бејнс.
 
Дејвид Мојс оставува на ставот дека сака да донесе едно или две засилувања на Олд Трафорд, но инсистира дека нема да го стори тоа само затоа што други велат дека Манчестер Јунајтед мора да купи нови играчи.
 
„Постои потреба за ангажман на нови играчи” – рече Шкотот на денешната прес-конференција. „Но не сум под притисок да го сторам тоа”.
 
„Разговараме на оваа тема уште од првиот ден кога пристигнав тука. Имам идеја за тоа кој дел од тимот треба да се засили и што треба да направиме”.
 
„Но нема да го сториме тоа само затоа што луѓето ни кажуваат дека треба да ангажираме играчи”.
 
„Ќе го сториме тоа бидејќи мислиме дека тоа е правиот потег.”
 
„Доколку соодветни играчи се на располагање, одлично, но доколку не се на располагање, ќе ги охрабриме нашите млади играчи да одиграат добро како што одиграа минатата сезона”.
 
„Постои можност да не ангажираме ниту еден играч, но планот е да се донесат едно или две засилувања”.
 
„На нашата листа со желби има само одреден тип на играчи, и сакаме да го засилиме тимот само со нив”.

Извор: 24FUDBAL.com.mk