Англија | Арсен Венгер е убеден дека на Емирати Стадионот ќе пристигнат неколку нови играчи до крајот на летниот трансфер период...

’Топџиите’ ова лето се поврзуваа со голем број на играчи, но до овој момент тие го ангажираа само младиот Јаја Саного.

До крајот на трансфер пазарот има само уште десетина дена, но Арсен Венгер е убеден дека Арсенал ќе се засили.

Во последните неколку дена се говори дека Арсенал ќе му понуди договор на Матју Фламини, а желба на ’Топџиите’ е и дуото на Реал Мадрид, Карим Бензема и Анхел Ди Мариа.

„Фламини само работи на својот фитнес со нас, и добри си ја врши работата” – рече Французинот.

„Нема да кажам дека нема шанси тој да потпише, но нема да кажам ниту дека има шанси”.

„Бензема и Ди Мариа? Не сакам да зборувам за конретни имиња, вие новинарите доволно добро го правите тоа”.

„Задоволен сум од составот што го имам на располагање, но само од аспект на квалитетот со кои располага тимот”.

„Кога е во прашање бројот на играчи, во моментов сме малку кратки и тоа ме загрижува. Немаме доволно широк состав за да ги оствариме целите што ги имаме поставено”.

„Но нема да влеземе во новата сезона само со сегашниот број на играчи кои ги имаме”.

Запрашан зошто е убеден дека на Емирати ќе пристигнат засилувања, Венгер одговори: „Поради желбата на играчите да ни се придружат”.

„Исто така имаме пари на располагање, можеби не колку што се пишува, но имаме пари за трошење”.

„Знаеме кои играчи сакаме да ги ангажираме и убедени сме дека ќе успееме”.

По победата од 3-0 на гостувањето кај Фенербахче, Арсенал е на чекор до групната фаза од Лигата на Шампионите, и Арсен Венгер верува дека настапот во најелитното натпреварување на ’Стариот континент’ ќе биде од голема полза при настапот на трансфер пазарот.

 „Секој играч што сака да ни се придружи, првото прашање му е дали играме во Лигата на Шампионите или не?”

„Тоа е првото барање на играчите од светска класа. Играњето во Лигата на Шампионите е еден од одлучувачките фактори ”.

Извор: 24FUDBAL.com.mk