Англија | Жозе Мурињо вели дека Челзи ќе направи нов обид за ангажман на Вејн Руни, но понудата ќе биде доставена дури по средбата со Манчестер Јунајтед во понеделник...

 ’Сините’ го идентификуваа репрезентативецот на Англија како примарна трансфер цел, и до овој момент имаа два неуспешни обиди за негов ангажман.

И покрај тоа што Манчестер Јунајтед порача дека напаѓачот не е на продажба, тимот од Стемфорд Бриџ не се откажува и планира одново да ја стави на тест одлучноста на ’Црвените Ѓаволи’ да го задржат Вејн Руни.

По вчерашната победа над Астон Вила од 2-1, Жозе Мурињо истакна дека тие ќе направат нов обид за ангажман на Руни, но поради етички причини, понудата ќе биде доставена дури по средбата против Манчестер Јунајтед во понеделник.

„Не сакам Челзи да достави понуда пред нашето гостување на Олд Трафорд” – рече ’Специјалниот’.

„Сите во клубот, во бордот, се сложуваат со мене. Го делат моето мислење”.

„Мислам дека овој период, од етичка гледна точка, е период во кој треба да бидеме тивки и да не превземаме ништо”.

Извор: 24FUDBAL.com.mk