Македонија | На дуелот од Лигата на Шампионите помеѓу Шалке и ПАОК, домашните навивачи УГЕ заедно со неколку Македонци бранеа македонско знаме од полицијата која во жестока пресметка се обидуваше да им го земе....

На синоќешниот натпревар помеѓу Шалке и ПАОК на трибината која е наменета за популарните УГЕ, се појави знамето на Комити Дизелдорф на кое го има и сонцето на Кутлеш.

Поради него во 75. минута на трибината се случувале сериозни инциденти откако полицијата сакала да го отстрани по барање на грчки делегати за кои вадењето на македонско знаме било јавна провокација.

Полицијата влегла на трибината, но навивачката група на Шалке заедно со неколку Македонци кои присуствувале на натпреварот застанале во одбрана на знамето, и покрај силниот притисок успеале да го одбранат.

Дури 500 навивачи се пожалиле на повреди, а 50тина од нив завршиле во болница.

Фудбалскиот клуб Шалке преку соопштение на официјалната страна застана во одбрана на своите навивачи истакнувајќи го двојниот аршин на полицијата која не превземала ништо против однесувањето и провокациите од грчките навивачи кои постојано навредувале, а користеле и пиротехнички средства кои се забранети на ваквите натпревари.

Извор: 24FUDBAL.com.mk