Aнглија | Според пишувањата на медиумите од Русија и Англија, Тотенхем ја добива битката за потписот на Вилиан, Бразилецот е на чекор до трансфер на Вајт Херт Лејн вреден 30 милиони фунти...

И покрај тоа што Вилиан на почетокот од оваа година се пресели во Анжи, поради кратење на буџетот, 25 годишниот фудбалер од средниот ред доби зелено светло да замине од Махачкала.

Ливерпул беше посочуван како фаворит за потписот на Бразилецот, но последните извештаи велат дека Тотенхем ја добива битката за услугите на Вилиан.

Според пишувањата на медиумите од Русија и Англија, ’Спарси’ постигнале договор со Анжи за трансфер на играчот вреден околу 30 милиони фунти (околу 35 милиони евра).

Се говори дека во текот на денот треба да пристигне во Лондон, и да замине на лекарски прегледи со Тотенхем.

Најавената преселба на Вилиан на Вајт Харт Лејн веројатно ќе значи заминување на Герет Бејл во Реал Мадрид.

Извор: 24FUDBAL.com.mk