Шпанија | Според Sky Italia, Реал Мадрид и Тотенхем постигнале договор за трансфер на Герет Бејл вреден 93 милиони фунти или нешто помалку од 109 милиони евра...
Речиси секој ден медиумите пишуваат за светски рекордниот трансфер на Герет Бејл на Сантијаго Бернабеу.
Последните извештаи велат дека Реал Мадрид и Тотенхем постигнале согласност за зделка вредна 93 милиони фунти или 108 милиони евра.
Sky Italia пренесе дека преговорите се интезивирале во последните неколку часа и двата клуба сега ги пеглаат деталите.
Тотенхем исто така води и преговори за засилување на тимот со парите што ќе ги добие од продажбата на Герет Бејл.
Се говори дека ’Спарси’ се на чекор до ангажман на Вилиан од Анжи, а на Вајт Харт Лејн веројатно ќе се пресели и Ерик Ламела.
Претставници на Рома и агентот на Аргентинецот се во Лондон на средба со лидерите на Тотенхем, и се очекува да биде постигнат договор за трансфер вреден околу 35 милиони евра.
Извор: 24FUDBAL.com.mk
