Aнглија | Според англиските медиуми, Арсенал ќе тргне по голманот на Реал Мадрид, Икер Касиљас кој седеше на клупата против Бетис во првото коло од Примера...

Касиљас голем дел од минатата сезона го помина на клупата, се очекуваше дека работите ќе се променат по заминувањето на Мурињо, но на натпреварот против Бетис, капитенот повторно се најде меѓу резервите.

Незадоволството кај Икер е големо, голманот тешко ја прифаќа ситуација, а според последните информации Арсенал ќе се обиде да го искористи тоа.

 Но, иако Икер сезоната ја започна на клупата, прогнозите се дека раководството на клубот нема лесно да се откаже од неговите услуги.

Според информациите од медиумите, Арсенал ќе понуди 8 милиони фунти, но се шпекулира дека Реал Мадрид не би разгледувал понуди помали од 15 милиони фунти.

Фановите на Арсенал се разочарани од неактивноста на клубот во летниот трансфер период, па Арсен Венгер со носење на ѕвезда како Икер Касиљас сака да ја намали нервозата кај навивачите.

Извор: 24FUDBAL.com.mk