Актуелниот Европски шампион, Шпанија повторно се врати на врвот на ФИФА ранкинг листата, Македонија остана на 66то место...
По крајот на квалификациските натпревари за СП 2010 ФИФА ја објави последната ранкинг листа која донесе ново име на врвот.
Македонската селекција и покрај тоа што имаше позитивни резултати во изминатиов период остана на иста позиција како и во октомври.
Нашата селекција има 15 ранкинг бода повеќе во споредба со претходниот месец но и понатаму е на 66то место.
Еврпскиот шампион Шпанија го превзеде лидерското место од Бразил, кој беше на врвот од јули.
Португалија и Франција бенифицираа од резултатите од бараж натпреварите за обезбедување виза за Јужна Африка и бележат искачување на табелата (Португалија сега е 5та, а Франција 7та).
Тимовите кој обезбедија пласман во октмоври Аргентина (сега е 8ма) и Англија (9та) бележат пад за по две места.
Холандија и Италија останаа на своите позиции од октмоври - тие го завземаат третото односно четвртото место.
Германија има пад од едно место и сега е 6та, додека пак Хрватска, која сега има пад од две места ја комплетира топ 10ката на табелата.
Помеѓу екипите кои овој месец напредуваа се и Камерун (кој има скок од три места и сега е на 11то место), Грција (скок од 4 места и сега е 12та) и Уругвај (напредуваше шест места и сега е 19ти).
Од топ 20 селекциите само две (Русија и Хрватска) нема да патуваат за Јужна Африка додека пак само четири квалификанти за СП 2010 не се во топ 50 (Република Кореја, Нов Зеланд, НДР Кореја и Јужна Африка).
Powered by: 24 FUDBAL.com.mk
