МЕНИ

Адвокатот на Пандев, Матиа Грасани повторно го изрази своето незадоволство од начинот на кој се одвива процесот што Горан Пандев го започна кон својот клуб...

Како што веќе пренесовме Лацио издејствува ново одложување на процесот откако вчера требаше да биде избран нов судија на Арбитражната Комисија.

Бјанкочелестите се пожалија за бројот на судии (петмина биле од Унијата на Професионални Фудбалери од Италија додека четворица од Фудбалската Лига) па поради тоа нов претседател на арбитражната комисија најверојатно ќе биде избран во петок.

По новото оддолжување на процесот, адвокатот на Пандев, Матиа Грасани уште еднаш го искажа своето незадоволство.

“Потребно е новиот претседател да биде избран што е можно побрзо.” – рече Грасани за Sky Sport 24. “Овој процес станува како приказна без крај.”

“Сакаме новиот трибунал да биде подготвен за работа веќе на старот од следната недела.”

“Ние ја поднесовме жалбата на 25 септември. По враќањето од Пекинг, Горан нема одработено ниту еден тактички тренинг со првиот тим, посотјано беше изоставан од тимот и ги пропушташе натпреварите.”

Со честите одложувања, Пандев најверојатно ќе го дочека зимскиот трансфер период како играч на Лацио, па Клаудио Лотито повторно ќе одлучува за иднината на Македонецот.

“Додатно оддложување на процесот ќе претставува пораз за спортската правда.”

“Но не сакам да мислам за хипотезата дека до јануари нема да добиеме одговор од Арбитражната Комисија.”

“Доколку тоа се случи многу е очигледно дека Пандев сеуште ќе има важечки договор со Лацио и тогаш Горан ќе може да замине само доколку Лотито даде согласност.”