Сеск Фабрегас повтори дека целта му е да освои трофеи со Арсенал, размислува за на кратки стази, не и за подалечната иднина...

Се почести и понападни се изјавите кои доаѓаат од фудбалерите на Барселона дека сакаат да го видат Фабрегас на Ноу Камп.

Шпанските медиуми пишуваат дека и Реал Мадрид рамо до рамо со Барса ќе се бори за услугите на Фабрегас.

Но тој, по којзнае кој пат демантира дека посакува наскоро да ја смени фудбалската средина.

"Сега сум многу смирен и без повреди" - изјави Фабрегас за шпанската радио станица Onda Cero.

"Во Арсенал играме добра сезона и мојот сон е да освојувам титули тука".

"Сеуште не размислувам за мојата иднина. Фокусиран сум на кратки стази и не гледам надвор од тоа".

"Имам голема одговорност кон мојот клуб и сега не е време да размислувам подалеку од тоа" - заврши Фабрегас.
Капитенот на Арсенал е под голем притисок од медиумите во Шпанија кога е во прашање неговата иднина, иако во моментов тој добро се справува.

Дека Барселона на секој начин се обидува да издејствува трансфер на Цеск говори и интервјуто кое го правеше Жерард Пике со играчот на Арсенал.

Двајцата се многу добри пријатели откако потекнуваат од истата група во младинската школа на Каталонците, класа 89.

Пике исто како и Фабрегас замина од Барселона на млади години за да се пресели во Манчестер Јунајтед, но дефанзивецот се врати на Камп Ноу минатото лето.

Во интервјуто кое Пике го води со Цеск, дефанзивецот го најаува Фабрегас како играч на Арсенал но и иден фудбалер на Барселона.

На тоа Цеск одговара со насмевка а подоцна во текот на интервјуто кога говори за својата иднина вели дека во моментов е среќен во Арсенал но не знаше што може да донесе иднината.

Powered by: 24 FUDBAL.com.mk