Роналдињо е задоволен од работата со тренерот Леонардо, сега неговата ситуација е многу подобрена од времето кога Анчелоти ги предводеше Росоњерите.

Бразилската ѕвезда, Роналдињо, не се изнаигра многу кога Анчелоти беше тренер на Милан.

Под водство на Леонардо, Роналдињо полека се враќа во форма, тој е задоволен од тренерската промена.

"Што се промени за мене откако дојде Леонардо на местото од Анчелоти? Сега играм" - изјави Роналдињо.

"Се адаптирав подобро на италијанскиот фудбал, можам да го зборувам јазикот, се чуствувам физички подобро".

"Среќен сум со Леонардо, иако тој од време на време пред крајот од натпреварите ме вади од игра".

"Стимулирачки е да се работи со него. Лео е ентузијаст по природа и ви ја пренесува енергијата".

"Тој е подготвен тактичар кој ќе докаже дека клубот го направил вистинскиот избор со тоа што го одбрал него" - заврши Роналдињо.

Powered by: 24 FUDBAL.com.mk