Македонија | Македонската фудбалска репрезентација забележа пад од 14 позиции на ФИФА ранг листата за месец јули...

Во споредба со јуни ’Црвено-жолтите’ имаат 65 ранкинг бода помалку и назадуваа на листата дури 14 позиции, и сега се на 92. место.
 
На врвот и понатаму нема промени, Шпанија води пред Германија.
 
По подолго време, Бразил се врати во топ 10, по триумфот на Купот на Конфедерации, ’Кариоките’ забележаа скок од 13 позиции и се најдоа на 9. место
 
Од нашата група во квалификациите за СП 2014, Хрватска и понатаму има најдобар ранкинг и покрај тоа што ’Коцкастите’ забележаа пад од 4 позиции и сега се на 8. место.
 
Белгија со скок од две позиции се најде на 10. место, Србија назадуваше пет позиции и сега е на 41. место, Велс со пад од една позиција е на 46. место, а Шкотска напредуваше дури 24 позиции и се најде на 50. место.